Les mots surlignés font l'objet d'une note
1Monsieur, estant sur mon partement pour vous aller
2trover, il mest survenu ung affère que men importe
3de beaucoup, quy ma arresté ; voyant que pour ne
4me trover à la monstre nen importe pour le present
5pour le service du roy ny vostre, que me faict
6asseurer que ne troverés maulvayse ma demeure pour
7telle hocasion. Au demeurent, monsieur, je vous
8supplie très humblement que sy porvoyés aulcugne
9plasse dhome darmes, que se soyt mon nepveu de
10Chasteauneuf, pour advoyr esté de votre compagnie
11dès le commenssement ; et pour advoyr laffectionée
12volonté et moyen de vous fère service et davoir lequipage
13bon. Et sil vous playt vous sovenir de la promesse que
14fites au sieur du Vilar à Grenoble dugne place darchier,
15je vous puys asseurer que est ung fort honeste
16jentilhome de bon lieu et de bonne part et quy a moyen.
17Il ne mest besoing vous rementevoyr mes nepveus
18Du Saulzé et Chantprens, masseurant que les advés assés en
19memoyre. Je vous diray que mesdames de Grignan et
20de sainct Privast sen vont aujourdhuy. Je ne sey
21qui a empeché monsieur de Corbons de venir. Elles sen
22vont en grant regret de ne lavoyr veu. Je ney resseu
23les lettres que faictes menssion la vostre du XXe. Je
24vous suplie très humblement monsieur me tenir adverty de vous
25nouvelles et je prieray Notre Seigneur vous doner
26Monsieur en parfaicte prosperité très heureuse et très bonne vie et longue.
27De Prunières, ce XXVe daoust 1572
28votre très humble serviteur
29Rousset